"Ливерпуль"ни мана шу футболчи муваффақиятга етаклайди

«Ливерпуль» бош мураббийи Андони Ираола жамоа ҳужумчиси Александер Исак келаётган мавсумда клубнинг энг муҳим футболчиларидан бирига айланиши кераклигини таъкидлади.

- Менимча, Алекс ҳозир яхши спорт формасида. Жаҳон чемпионатида у жуда ишончли ўйин кўрсатди, ўзини майдонда эркин ҳис қилди, деб ўйлайман. У биз билан илк машғулотини ўтказиб бўлди ва мен Исаκнинг жуда яхши ҳолатда эканини кўрдим.

Албатта, ҳозирча аниқ хулоса қилишга эрта, чунки у эндигина машғулотларга қўшилди. Лекин умид қиламанки, «Лидс»га қарши ўйинда у майдонга тушиш имкониятига эга бўлади ва тўлиқ межсезон тайёргарликни ўтаб чиқади. 

Бу тайёргарлик жуда узоққа чўзилмайди, аммо уч-тўрт ҳафта ичида у керакли жисмоний ҳолатга етади, деб ўйлайман. Шундан сўнг уни оптимал формага олиб чиқишимиз мумкин бўлади, чунки бу мавсумда у бизнинг жамоа учун жуда муҳим ўйинчига айланади, — дея Ираоланинг сўзларини «Ливерпуль»нинг расмий сайти келтирмоқда.