"Ливерпуль" ўз юлдузини "Барса"га юбориб, ўрнига Френки де Йонгни олмоқчи

«Ливерпуль» мавсумни кутилганидек кучли бошлай олмади ва шундан бери таркибни мустаҳкамлаш йўлларини изламоқда. Мерсисайд клуби ярим ҳимояни кучайтириш учун «Барселона» футболчиси Френки де Йонгни қўлга киритиш вариантини кўриб чиқмоқда.

Маълумотларга кўра, каталонияликлар де Йонгни сотишга қарши эмас, аммо унинг трансфери учун камида 65 миллион евро талаб қилмоқда. «Ливерпуль» эса бу нархни ортиқча деб ҳисобламоқда.

El Nacional нашри Fanatik манбасига таяниб хабар беришича, англияликлар Френки де Йонг бўйича келишувга ўз футболчиси Флориан Вирцни ҳам қўшишни таклиф қилмоқда. Бундай вариант амалга ошса, аксинча «Барселона» томони «Ливерпул»га устама тўлашга мажбур бўлиши мумкин.

Хабарда таъкидланишича, «Ливерпул»да ўз салоҳиятини тўлиқ намойиш эта олмаётган Вирц «Барселона» бош мураббийи Ханс-Дитер Фликни қизиқтирмоқда. Шу билан бирга, каталон клубида бу позицияда аллақачон бир неча футболчи бор ва шу боис «Ливерпуль» таклифи уларни қанчалик қониқтириши ҳозирча номаълумлигича қолмоқда.