«Ливерпуль» ПСЖ вингери Мбайе учун курашда бош фаворитга айланди

Англиянинг машҳур клуби «Ливерпуль» француз гранди «ПСЖ» ва Сенегал терма жамоаси ярим ҳимоячиси, 18 ёшли вингер Ибраима Мбайе учун курашда пешқадамга айланди, деб хабар бермоқда Sports.kz нашри Football Insider манбасига таяниб.

Маълумотларга кўра, мерсисайдликлар футболчига бўлган қизиқишини аллақачон расман билдирган ва яқин ҳафталар ичида музокараларни жадаллаштиришни режалаштирмоқда. «ПСЖ» ёш иқтидорни юқори баҳолайди, бироқ ҳужум чизиғида катта рақобат мавжудлиги сабабли, мос таклиф тушса, уни сотиш вариантини кўриб чиқиши мумкин. Мбайенинг парижликлар билан амалдаги шартномаси яна икки йил давом этади, шу билан бирга, у янги битим имзолаши кутилмаяпти.

Сенегаллик футболчи учун курашда «Ливерпуль»га дортмундлик «Боруссия», «Байер», «Манчестер Сити» ва «Астон Вилла» каби клублар рақобат қилади. Мбайе ҳозирга қадар «ПСЖ» таркибида 42 ўйин ўтказган, Сенегал миллий терма жамоасида эса 15 марта майдонга тушган.