"Ливерпуль" ва "Арсенал"га қиммат ҳимоячини жойлашмоқчи

«Ливерпул» ва «Арсенал»га Уругвай терма жамоаси ҳамда «Спортинг» клуби таркибида ўйнаётган қанот ҳимоячиси Максимилиано Араухони қўлга киритиш таклифи берилган. Бу ҳақда The Sun нашри хабар берди.

Манба маълумотига кўра, Португалия клуби футболчини сотиш учун камида 51,5 миллион фунт (тақрибан 60,2 миллион евро) талаб қилмоқда.

Англиянинг икки гранди 26 ёшли ҳимоячини сотиб олиш имкониятини ўрганмоқда. Шу билан бирга, «Спортинг» Араухога муносиб ўринбосар излашни бошлаб юборган.

Ўтган мавсумда уругвайлик футболчи барча мусобақалар доирасида 47 та ўйинда майдонга тушиб, 7 та гол урди ва 6 та голли узатма амалга оширди. Унинг клуб билан амалдаги шартномаси 2029 йил ёзигача мўлжалланган. 

Transfermarkt портали маълумотича, Араухонинг бозор қиймати 40 миллион евро атрофида баҳоланмоқда.