"Ливерпуль" ва "Милан"да ўйнаган юлдуз 32 ёшида футболдан кетди

Испания терма жамоасининг собиқ футболчиси Сусо ижтимоий тармоқларда профессионал футболчи сифатида фаолиятини якунлаганини маълум қилди.

32 ёшли яримҳимоячи бу қарорни ўзининг тарбиясига катта ҳисса қўшган «Кадис» жамоасидаги мавсумдан сўнг қабул қилди.

Сусо мухлисларга, аввало, «Ливерпуль», «Милан», «Севилья», «Женоа» ва «Альмерия» таркибидаги ўйинлари орқали яхши таниш.

Ҳужумкор яримҳимоячи карьераси давомида Италия Суперкубогини қўлга киритди, шунингдек, Европа лигасида икки бор ғолиб чиқди.

Испания миллий терма жамоаси сафида эса у 2017–2019 йиллар оралиғида 5 та учрашувда майдонга тушган.