"Ливерпуль" юлдузини чемпион жамоага беришга рози бўлди

«Ливерпуль» ярим ҳимоячиси Кёртис Жонс фаолиятини Италиянинг амалдаги чемпиони «Интер» жамоасида давом эттиради.

Милан клуби мерсисайдликлар билан футболчини сотиб олиш бўйича тўлиқ келишувга эришган. 

Маълуотларга кўра, танилган инсайдер Фабрицио Романо хабар берганидек, трансфер қиймати 35 миллион еврони ташкил этади. «Интер» шунингдек, 25 ёшли англиялик футболчи билан шахсий шартнома шартларини ҳам келишиб олган. 

Яқин кунларда ярим ҳимоячи тиббий кўрикдан ўтади, шундан сўнг томонлар трансферни расмийлаштириши кутилмоқда.

Кёртис Жонс «Ливерпуль» тарбияланувчиси ҳисобланади ва шу пайтгача бутун профессионал фаолиятини айнан шу клуб таркибида ўтказган. У жамоа сафида 228 ўйинда майдонга тушиб, 22 та гол урган ва жамоадошларига 25 бор ҳал қилувчи пас йўллаган.