"Ливерпуль" - "Манчестер Сити": Матнли трансляция

Англия Премьер-лигаси 23-туридан ўрин олган марказий беллашувни ушбу саҳифа орқали матнли трансляция тарзида кузатиб боришингиз мумкин. Ўйиннинг хавфли вазиятларини ўтказиб юбормаслик учун саҳифани янгилаб бориш тавсия этилади. 

• 90'
  

  Учрашув якунланди. Матнли трансляцияни Абдулвосид Валихонов олиб борди. 

• 90+'
  

  Ўйиннинг асосий вақтига 3 дақиқа қўшиб берилди. 

• 87'

  "Ливерпуль" тўпни назорат қилмоқда. 

• 85'
  

  Робертсон ўрнига Цимикас майдонга тушди. 

• 83'
  

  ГООООООООООЛЛЛЛЛЛЛЛЛЛЛ!!! Ўйиннинг энг фаолларидан бири бўлган Фоден ҳам ўз голини уриб кетмоқда. 

• 78'
  

  ГООООООООООООЛЛЛЛЛЛЛЛЛЛЛЛ!!! Алиссоннинг яна бир хатоси сабаб Стерлинг гол уриб кетди. 

• 75'

  "Сити" тотал устунлик қайд этмоқда. 

• 73'
  

  ГОООООООООООЛЛЛЛЛЛЛЛЛЛЛЛЛЛ!!! Фоденнинг ажойиб юриши ва узатмаси Гюндоган томонидан голга айлантирилди. 

• 72'
  

  Маҳрез ўрнига Жезус майдонга тушди. 

• 71'
  

  Стоунзнинг голи офсайд туфайли бекор қилинди. 

• 70'
  

  Фоденни очиқчасига тўхтатиб қолгани учун Фабиньо огоҳлантирилди. 

• 68'
  

  Жонс ўрнига эса Милнер майдонга ташланди. 

• 67'
  

  Шакири Тьяго ўрнига майдонга тушди. 

• 63'
  

  ГООООООООООЛЛЛЛЛЛЛЛЛЛЛЛЛ!!! Салаҳ 11 метрлик зарбани аниқ амалга оширди. 

• 62'
  

  Рубен Диаш Салаҳни яққол тўхтатиб қолди. Пенальти. 

• 58'
  

  "Ливерпуль" бурчак зарбасидан наф чиқара олмади. 

• 58'

  Кертис Жонс жарима майдони ичида яхши вазиятга чиқиб борди. Зарба йўлига ҳимоячилар ғов бўлди. 

• 56'

  Арнольднинг жарима майдонига узатилган тўпига шериклари етиб бора олмади. 

• 52'

  Фоден ҳужумда қоидани бузди. 

• 49'
  

  ГООООООООООЛЛЛЛЛЛЛЛЛЛЛЛЛЛ!!! Фил Фоденнинг узатмасини бу гал Гюндоган кўкка совурмади. 

• 46'
  

  Иккинчи тайм бошланди. 

• 45'
  

  Танаффус. 

• 45+'
  

  Биринчи таймга 2 дақиқа қўшиб берилди. 

• 41'

  Родри жарима майдони ичида тўпни қўли билан ўйнаётгандек кўринди. Йўқ, ВАР пенальти йўқ деб ҳисоблади. 

• 37'
  

  Гюндоган пенальтидан унумли фойдалана олмади. 

   

• 36'

  Фабиньо жарима майдони ичида қоидани бузди. Пенальти! 

• 33'
  

  Робертсоннинг бурчак узатмаси кучлироқ чиқди. 

• 31'

  Арнольднинг навбатдаги узатмасини ҳам Эдерсон ушлаб олди. 

• 29'

  Фирмино яхши имкониятдан фойдалана олмади. Эдерсон ўз ўрнида. 

• 27'

  Мане жуда қўпол ўйнади. Майкл Оливер сариқ карточка кўрсатиши мумкин эди. 

• 24'

  Арнольднинг пасидан сўнг, Маненинг зарбаси хавфли чиқди. Бироз ноаниқ. 

• 20'

  Диашнинг узатмасидан сўнг, Стерлинг кўнгилдагидек зарба бера олмади. 

• 17'

  Стерлингнинг соло юриши охирига етмади. 

• 15'

  Маҳрезнинг юриши осонлик билан тўхтатилди. 

• 14'

  Робертсоннинг узатмасини Эдерсон ушлаб олди. 

• 12'

  Арнольд қоидани бузди. Ҳакам ҳозирча карточкаларга мурожаат этмади. 

• 10'

  "Сити" тўпни назорат қилмоқда. 

• 8'

  Зинченконинг юришини рақиб ҳимоячилари тўхтатиб қолди. 

• 7'

  Канселунинг узатмасидан сўнг, Гюндоган тўпга ета олмади. 

• 4'

  Илкай майдонга қайтди. 

• 3'
  

  Гюндоган жароҳат олган кўринади. 

• 3'
  

  Тьягога сариқ карточка кўрсатилди. 

• 1'
  

  Ўйин бошланди.

• 0'

  Ассалому алайкум, азиз футбол мухлислари. АПЛ 23-турининг марказий беллашувига хуш келибсиз. Матнли трансляцияни Абдулвосид Валихонов олиб боради.