"Ливерпуль" клуби декабрь ойида 2 та ўйин ўтказишига тўғри келади. Бу ҳақда клуб матбуот хизмати хабар тарқатмоқда.

Унга кўра мерсисайдликлар дастлаб 17 декабрь Англия лига кубоги чорак финали доирасида "Астон Вилла" га қарши, 18 декабрь куни эса Клублар ўртасидаги жаҳон чемпионати ярим финалида майдонга тушишади. Шу боис Юрген Клопп ушбу 2 та ўйин учун 2 хил таркибни эълон қилди.

Эслатиб ўтамиз, бундан аввалроқ ноқулай тақвим сабаб “Ливерпуль” Англия лига кубоги учрашувида иштирок этишдан бош тортиши мумкинлиги ҳақида хабарлар тарқалган эди.