"Ливерпуль" "Энфилд"да "бўрилар"ни "ғажиб ташлади"

Англия Премьер-лигаси 11-туридан ўрин олган "Ливерпуль" - "Вулверхэмптон" учрашуви ўз ниҳоясига етди. Унда майдон эгалари 4:0 ҳисобидаги йирик ғалабани қўлга киритди. 

Биринчи таймда Муҳаммад Салоҳ рақиб ҳимоясидаги хатодан фойдаланиб, ҳисобни очди. Иккинчи таймда Вейналдум ва Матипнинг голлари ҳисобни йириклаштирган бўлса, Семедунинг автоголи ўйинга нуқта қўйди. 

Ғалабадан сўнг, мерсисайдликлар ҳисобидаги очколар 24 тага етиб, турнир жадвалида тўплар нисбатига кўра, 2-поғонага жойлашди. Нуну Эшпириту Санту шогирдлари эса 17 очко билан 10-ўринда қолди. 

• 90'
  

  Учрашув якунланди. Матнли трансляцияни Абдулвосид Валихонов олиб борди. 

• 90+'
  

  Ўйиннинг асосий вақтига 3 дақиқа қўшиб берилди. 

• 89'
  

  Моутиньо сариқ карточка ишлаб олди. 

• 85'
  

  Бурчак тўпи меҳмонларга фойда келтирмади. 

• 83'

  "Вулвс" битта гол уриб қолиш илинжида олдинга бормоқда. 

• 80'
  

  Келлеҳер Нурининг зарбасини қайтариб юборди. 

• 79'
  

  Нету ўрнига Витинья майдонга тушмоқда. 

• 78'
  

  ГООООООООООООЛЛЛЛЛЛЛЛЛЛЛЛЛЛЛЛ!!! Семеду Маненинг босими остида тўпни дарвозасига жойлаб қўйди. 

• 74'

  Патрисиу жарима майдони ташқарисидан берилган зарбани ушлаб қолди. 

• 73'
  

  Фирмино ўрнига Жота майдонга тушмоқда. 

• 71'
  

  Поденсенинг ўрнига Аит Нури майдонга тушмоқда. 

• 70'

  "Вулвс" футболчисининг бош билан берган зарбаси Келлеҳерга қийинчилик туғдирмади. 

• 67'
  

  ГОООООООООООООЛЛЛЛЛЛЛЛЛЛЛЛЛЛЛЛ!!! Салаҳнинг узатмасини Матип боши билан дарвозага жойлаб қўйди. 

• 63'

  "Ливерпуль" тўпни назорат қилишда давом этмоқда. 

• 61'

  Гол ўтказиб юборган "Вулвс" олдинга боришга мажбур. 

• 58'
  

  ГОООООООООООООЛЛЛЛЛЛЛЛЛЛЛЛЛЛЛЛ!!! Вейналдум жарима майдони ташқарисидан дарвозани ишғол қилди. Хендерсоннинг пасини ҳам эътироф этиш жоиз. 

• 58'

  Коудининг зарбаси ўз манзилига етиб бормади. 

• 57'
  

  Бурчак тўпидан сўнг, жарима майдонига узатилган тўпни Келлеҳер уриб юборди. 

• 56'

  Траоренинг узатмаси йўлида Жонс пайдо бўлди. 

• 55'

  Салаҳнинг жарима майдонига узатмаси ўтмади. 

• 53'

  Фабиньо ҳужумда фол ишлатди. 

• 52'

  Мане Робертсоннинг пасини кўкка совурди. 

• 50'

  Жарима майдонига узатилган тўпни Келлеҳер ушлаб олди. 

• 49'

  "Вулверхэмптон" тўпни назорат қилмоқда. 

• 47'
  

  Маненинг зарбасини Патрисиу ушлаб олди. 

• 46'
  

  Иккинчи тайм бошланди. 

• 45'
  

  Танаффус. 

• 45+'
  

  Биринчи таймга 3 дақиқа қўшиб берилади. 

• 45+'

  Йўқ, ВАР пенальтини бекор қилди. 

• 44'

  Ҳакам Мане Коудига нисбатан жарима майдони ичида қоидани бузди, деб топди. ВАР вазиятни кўриб чиқиши керак. 

• 40'

  Маненинг зарбаси ҳимоячига тегиб қайтди. Боли бироз ўзини йўқотиб қўйди. 

• 38'
  

  Кёртис Жонс тиббий ёрдам олмоқда. 

• 35'

  Салаҳнинг жаримадан тепган тўпи Патрисиунинг қўлларига бориб тушди. 

• 33'

  Нетунинг узатмаси Келлеҳернинг қўлларига бориб тушди. 

• 32'

  Фирминонинг зарбаси ҳимоячига тегиб қайтди. 

• 31'

  Фабиньо олдинга тезликда кетаётган Поденсени тўхтатиб қолди. 

• 26'

  Гол ургач ҳам "Ливерпуль" ҳужум қилишдан тўхтамаяпти. 

• 24'
  

  ГООООООООООЛЛЛЛЛЛЛЛЛЛЛЛЛЛ!!! Салаҳ Коудининг қўпол хатосидан фойдаланиб, ҳисобни очди. 

• 23'

  Маненинг узатмаси йўлида шериклари йўқ эди. 

• 20'

  Адама Траоренинг зарбасини Каллахер ҳар эҳтимолга қарши қайтарди. 

• 18'
  

  Бурчак узатмаси "Вулвс"га фойда келтирмади. 

• 17'
  

  Келлеҳернинг маҳорати "Ливерпуль"ни муқаррар голдан қутқариб қолди. Поденсенинг зарбаси анча мукаммал чиққанди. 

• 16'

  Салаҳнинг юришини ҳимоячилар қўполлик билан тўхтатишди. 

• 14'

  "Вулверхэмптон"нинг ҳужуми хавфли кўриниш олишига ҳимоячилар йўл қўймади. 

• 12'

  Маненинг бош билан берган зарбаси ноаниқ кетди. 

• 11'

  "Вулверхэмптон" ҳозирча яхши ҳимояланмоқда. 

• 8'

  Мезбонлар тўпни назорат қилмоқда. 

• 6'

  Траоренинг узатмаси ҳимоячиларга тегиб, майдонни тарк этди. 

• 3'

  "Ливерпуль" дастлабки дақиқалардан фаоллик намойиш этмоқда. 

• 1'
  

  Ўйин бошланди. 

• 0'

  Жамоалар майдонга тушиб келишмоқда. 

• 0'

  Ассалому алайкум, азиз футбол мухлислари. АПЛ 11-турининг яна бир марказий баҳсида "Ливерпуль" "Вулверхэмптон"ни меҳмон қилади. Ўйинни Абдулвосид Валихонов  матнли трансляцияда эътиборингизга ҳавола этади.