“Ливерпуль” етакчиси “Галатасарой”га қарши учрашувни ўтказиб юборади
"Ливерпуль"нинг бразилиялик дарвозабони Алисон Бекер 10 март куни Истанбулда бўлиб ўтадиган "Галатасарой"га қарши Европа Чемпионлар Лигаси 1/8 финал дастлабки ўйинини ўтказиб юборади. Бу ҳақда The Times хабар бермоқда.
Футболчи душанба кунги машғулотларда ўзини ноқулай ҳис қилган, мерсисайдликлар дарвозабоннинг соғлиғини хавф остига қўймасликка қарор қилишди. Жамоа дарвозасига навбатдаги ўйинда Георгий Мамардашвили майдонга тушиши кутилмоқда.
Жорий клуб мавсумида 32 та ўйинда Бекер 35 та гол ўтказиб юборди ва 12 марта "қуруқ" ўйнади. Transfermarkt сайти маълумотларига кўра, футболчининг айни дамдаги нархи 17 млн еврони ташкил қилмоқда. Бразилиялик футболчи мерсисайдликлар сафида 2018 йилдан буён тўп суриб келмоқда.
Фикрлар
Saytingizdagi dark rejim funksiyasidan foydalanishda bir muammo kuzatildi. Dark rejim tugmasini bosib yoqqanimdan so‘ng, sahifadagi xabarni o‘qib bo‘lib boshqa xabarga o‘tsam, bosh sahifaga qaytsam yoki brauzerda bir qadam orqaga qaytsam — dark rejim o‘chib qolmoqda.
Foydalanuvchi sifatida, dark rejim bir marta yoqilgandan keyin boshqa sahifalarga o‘tilganda ham saqlanib turishi qulay bo‘lardi. Bu nafaqat ko‘zni asraydi, balki saytni yanada foydalanuvchi uchun qulay qiladi.
Shu sababli, dark rejim sozlamasini cookie yoki local storage orqali saqlab, foydalanuvchi boshqa sahifalarga o‘tganda ham u yoqilgan holatda qolishini ta’minlab berishingizni so‘rayman.
E’tiboringiz uchun rahmat.