“Ливерпуль” футболчи билан шартномани узайтирмоқчи

Роберто Фирмино “Ливерпуль” билан шартномасини узайтириши мумкин. Футболчи Юрген Клопп учун муҳим ўйинчилардан бири. Буни инобатга олган клуб яқин кунларда унга янги таклиф билан чиқади, дея хабар бермоқда, “Football Insider” нашри.

Манбанинг таъкидлашича, ҳужумчинг маоши камайиши мумкин. Фирмино эса бунга рози ва ўзи ҳам Мерсисайд жамоасида қолишни истайди.

30 ёшли футболчи 2015 йилдан буён “Ливерпуль” шарафини ҳимоя қилиб келмоқда. Унинг амалдаги шартномаси келаси йилнинг ёзида ўз ниҳоясига етади.