"Ливерпуль" футболчиси "Реал"да ўйнашни орзу қилади

"Ливерпуль" аъзоси Доминик Собослаи мадриднинг "Реал Мадрид" жамоасида ўйнашни орзу қилади. Бу ҳақда The Touchline хабар бермоқда.

Манбага кўра, Собослаи ҳозирда "мерсисайдликлар"да ўзини жуда бахтли ҳис қилади, аммо агар "Реал"дан таклиф тушса, у бу масала устида узоқ ўйлаб ўтирмайди. Таъкидланишича, венгриялик футболчи "қироллик клуби"ни ўзи учун идеал деб ҳисоблайди.

Жорий мавсумда 25 ёшли футболчи барча мусобақаларда 35 та ўйинда майдонга тушиб, 10 та гол урди ва 7 та голли узатмани амалга оширди.

Маълумот учун, Собослаининг "Ливерпуль" билан амалдаги шартномаси 2028 йилгача мўлжалланган. Transfermarkt мутахассислари унинг трансфер қийматини 85 миллион евро деб баҳоламоқда.