“Ливерпуль” грандлар кутаётган ўйинчисини катта маош билан олиб қолмоқчи

Англиянинг амалдаги чемпиони “Ливерпуль” марказий ҳимоячи Иброҳим Конатени жамоада сақлаб қолишни қатъий мақсад қилган.

CaughtOffside нашри  маълумотига кўра, мерсисайдликлар француз футболчисига фойдали шартнома берган ва унинг жавобини тезроқ олишни кутяпти.

Маълум қилинишича, мерсисайдликлар билан амалдаги шартномаси якунланиш арафасида турган  26 ёшли Конате атрофидаги вазиятни  “Реал”, ПСЖ ва “Интер” каби суперклублар диққат билан кузатмоқда.

Бу клублар ёзда юқори даражадаги футболчини эркин агент сифатида бепул қўлга киритиш имкониятидан унумли фойдаланиб қолмоқчи.

Конате “Ливерпуль”да бешинчи мавсумини ўтказяпти. Шу пайтга қадар у “қизиллар” сафида 171 та ўйинда иштирок этиб, ҳимоядаги вазифаларини бажаришдан ташқари 7 та гол урди ва 4 та голли узатма амалга оширди.