“Ливерпуль” катта йўқотиш остонасида турибди

“Ливерпуль”нинг ҳужум учлигини ташкил қиладиган футболчилардан бири Роберто Фирмино бошқа жамоага ўтиб кетиши мумкин.

Бразилиялик ҳужумкор футболчининг клуб билан шартномаси 2023 йили якунланади ва “Ливерпуль” мутасаддилари ҳали янги шартнома бўйича иш бошламаган.

Айни пайтда клуб раҳбарияти ўзлари асосий деб тан олган олти нафар футболчи билан янги шартнома борасида музокара ўтказмоқда. Лекин бу рўйхатда Фирмино йўқ.

Куни кеча клуб Трент Александр-Арнаольд билан келишувни 2025 йилгача узайтирганини эълон қилди.

Навбатда эса, Садио Мане, Муҳаммад Салоҳ, Виржил ван Дейк, Эндрю Робертсон, Фабиньо ва  Алиссоннинг шартномалари турибди.

Фирмино “Ливерпуль”га 2015 йили “Хоффенхайм”дан 41 миллион евро эвазига трансфер қилинган эди.