"Ливерпуль" Клоппни истеъфога чиқарадими ўзи?

"Ливерпуль" клуби бош мураббий Юрген Клоппни истеъфога чиқармайди. Раҳбарият бошқа мутахассислар билан музокара ўтказаётгани йўқ.

Журналист Фабрицио Романонинг сўзларига кўра, жамоа ҳамон Клоппни қўллаб-қувватламоқда ва уни алмаштириш ниятида эмас. Маълум бўлишича, Юргеннинг ёзда амалга оширилишини сўраган трансферлари ижобий ҳал этилади. Мутахассис раҳбариятдан Жуд Беллингем ("Боруссия" Д) ва Матеус Нуньес ("Вулверхэмптон") каби футболчиларни сотиб олишни сўраган. 

Мерсисайдликлар айни пайт АПЛ турнир жадвалида 10-ўринда бормоқда. Клуб аллақачон Англия кубоги ва лига кубогидан чиқиб кетган. Европа чемпионлар лигасида "қизиллар"ни амалдаги чемпион "Реал" Мадридга қарши баҳс кутиб турибди.