“Ливерпуль” "Лацио" етакчисини қўлга киритмоқчи

Англиянинг “Ливерпуль” клуби сербиялик ярим ҳимоячи Сергей Милинкович-Савични сотиб олмоқчи. Мерсисайд жамоаси ушбу трансферга Жо Гомесни ҳам қўшишга тайёр, дея хабар бермоқда “Calcio Mercato Web” нашри.

Cавичнинг шартномаси 2024 йилда ўз ниҳоясига етади. У 2015 йилдан буён “Лацио” шарафини ҳимоя қилиб келмоқда.Футболчи ушбу мавсум барча чемпионатларда 12 та ўйинда майдонга тушиб, 4 та гол ва 7 та ассист амалга оширди.

Мерсисайд жамоаси айни дамда нозик нуқтаси ҳисобланган ярим ҳимояни тўлдириш мақсадида ёзда Артур Мелони ижарага олганди. Аммо у жароҳат олиб, 4 ойга сафдан чиққан. Бразиялик 26 ёшли футболчи бу мавсум “Ливерпуль” асосий жамоасида 13 дақиқа ҳаракат қилди.