"Ливерпуль" Лондон клубидан футболчи олмоқчи

"Ливерпуль" "Фулхэм" ярим ҳимоячиси Фабио Карвальога қизиқиш билдирмоқда. 19 ёшли футболчининг Лондон клуби билан шартномаси ёзда тугайди, шу боис июнь ойида у мерсисайдликлар сафига эркин агент сифатида текинга ўтиши мумкин.

The Sun нашрининг ёзишича, Карвальога Лондоннинг “Вест Хэм” клубидан ҳам таклифлар мавжуд. Балки бу вариант футболчи учун кўпроқ маъқул бўлар, чунки "Болғачилар" лагерида Фабионинг таянчда мустаҳкам ўрнашиб олиш имконияти кўпроқ бўлади.

Эслатиб ўтамиз, жорий мавсумда Карвальо АПЛнинг 15 та ўйинида майдонга тушиб, 5 та гол урди ва 1 та голли узатмани амалга оширди.