"Ливерпуль" "Манчестер Сити"нинг режаларини бузмоқчи

"Ливерпуль" бош мураббийи Арне Слот ўтган ҳафтада таътилдан қайтиб, 21 ёшли "Лион" ҳужумчиси Райан Шерки билан музокаралар ўтказиш учун Францияга учиб кетди. Бу ҳақда The Athletic журналисти Давид Орнштейн хабар бермоқда. Футболчига "Манчестер Сити" ҳам катта қизиқиш билдирмоқда.

Манбага кўра, гарчи "Ливерпуль" француз футболчиси билан музокаралар олиб бораётган бўлса-да, клуб уни асосий трансфер мақсади сифатида кўрмаяпти. "Қизиллар" биринчи навбатда "Баер" ярим ҳимоячиси Флориан Вирцни сотиб олишни афзал кўрмоқда. Бироқ, леверкузенликлар АПЛ чемпионининг иккита таклифини рад этишди. Шу сабабли, "қизиллар" германиялик футболчи трансферидан воз кечишлари мумкин.

Қайд этилишича, "Лион" Шеркини 35 миллион евро эвазига сотишга тайёр.

Ўтган мавсумда Шерки барча мусобақаларда жами 44 та ўйинда иштирок этди, 12 та гол урди ва 20 та голли узатма амалга оширди. Унинг клуб билан амалдаги шартномаси 2026 йилнинг ёзигача мўлжалланган. Transfermarkt порталидаги маълумотларга кўра, футболчининг бозор баҳоси 45 миллион еврони ташкил этади.