"Liverpul" mavsum startidan oldin jiddiy yo‘qotishga uchradi

"Liverpul" himoyachisi Endryu Robertson jarohat olib safdan chiqdi. Bu haqda klub rasmiy sayti xabar tarqatmoqda.

Yuqoridagi manbaga ko‘ra, 27 yoshli futbolchining tizzasi shikastlangan. Uning qachon safga qaytishi hozircha noma’lum.

Robertson o‘tgan mavsum “Liverpul” safida jami 50 ta o‘yinda maydonga tushdi. U ushbu uchrashuvlarda o‘z hisobiga 1 ta gol hamda 7 ta golli uzatma yozdirib qo‘ydi.

Yurgen Klopp jamoasi premer-liganing yangi mavsumini 14 avgust kuni safarda “Norvich”ga qarshi o‘yin bilan boshlaydi.