"Ливерпуль" мухлислари учун нохуш хабар...

"Ливерпуль" форварди Садио Мане кеча "Вулверхэмптон"га қарши ўтказилган АПЛнинг 24-турида жароҳат олди.

Сенегаллик футболчи учрашувнинг 33-дақиқасида майдонни тарк этди. Кейин эса унинг ўрнига майдонга Такуми Минамино туширилди. Эътиборлиси, бу япониялик футболчи учун премьер-лигадаги дебют учрашув бўлди.

Ҳозирча Маненинг жароҳати борасида маълумотлар йўқ. Бироқ, у майдонни ўз оёқлари билан тарк этди.

Маълумот учун, Мане жорий мавсум “Ливерпуль” сафида 31 та ўйинда майдонга тушди ва 15 та гол ҳамда 11 та голли узатма ёздириб қўйишга эришди.