"Ливерпуль" Нуньес ўрнига Бундеслиганинг энг яхши ҳужумчиларидан бирини олиб келмоқчи

"Айнтрахт" жамоасининг марказий ҳужумчиси Уго Экитике "Ливерпуль" клубининг қизиқиш доирасига тушди. Бу ҳақда журналист Флориан Плеттенберг хабар берди.

Манбага кўра, мерсесайдликлар 22 ёшли франциялик футболчини харид қилиш ниятида жиддий. Томонлар ўртасида музокаралар ҳам бўлиб ўтган. Шу билан бирга, Экитике учун курашда "Челси" ҳам рақиб бўлиши мумкин.

Маълум қилинишича, "Айнтрахт" ўз футболчисини 100 миллион еврога баҳоламоқда, аммо ҳозирча расмий таклиф қабул қилинмаган.

Жорий мавсумда Уго барча мусобақаларда 48 та учрашувда майдонга тушиб, 22 та гол ва 12 та голли узатма билан иштирок этди.