“Ливерпуль” ўйинчиси Испанияга кетди

Испаниянинг “Валенсия” клуби “Ливерпуль” билан ярим ҳимоячи Харви Эллиоттни ижарага олиш бўйича келишувга эришганини маълум қилди. Бу ҳақда клуб расмий сайти хабар берди.

Аввалроқ испанлар футболчининг маошининг асосий қисмини ўз зиммасига олиши хабар қилинган эди.

Харви Эллиотт 2025/2026 йилги мавсумни Англиянинг “Астон Вилла” клубида ижара асосида ўтказди. Жорий трансфер ойнасида футболчига “Лидс Юнайтед”, “Сандерленд”, “Лацио” ва “Наполи” клублари ҳам қизиқиш билдиргани айтилган эди.

Эллиотт “Фулхэм”нинг ёшлар жамоалари тизимидан ўтган. У 16 ёшида Премьер-лигада дебют қилган энг ёш футболчига айланган.

Transfermarkt маълумотларига кўра, футболчининг бозор қиймати 20 миллион еврога тенг.