“Ливерпуль” рақиб футболчиси Бернарду Силвани рекордчига айлантирди

Англия чемпионатининг 25-туридан ўрин олган марказий учрашувда мамлакатнинг амалдаги чемпиони “Ливерпуль” ўз майдонида “Манчестер Сити”ни қабул қилиб, муҳим баҳсда 1:2 ҳисобида ютқазди.

“Шаҳарликлар”нинг ғалабасига жамоа сардори Бернарду Силва катта ҳисса қўшди. Португалиялик чарм тўп устаси рақиб ҳисобда олдинга ўтиб олган паллада гол уриб, учрашувда бурилиш ясади.

Бу баҳс Силва учун тарихий аҳамият касб этди. 2017 йилдан бери Манчестер клубида ўйнаётган футболчи Англия Премьер-дигаси доирасида “Ливерпуль”га қарши 16-учрашувини ўтказди.

Ҳали АПЛ тарихида “Манчестер Сити”нинг бирорта вакили “Ливерпуль”га қарши бунақа кўп ўйин ўтказмаган. 

31 ёшли Бернарду Силванинг клуб билан амалдаги шартномаси ёзда якунига етади. Хосеп Гвардила “Сити” мутасаддиларидан ўйинчига янги битим беришни сўраяпти.