"Ливерпуль" "Реал"нинг режаларини барбод қилмоқчи

"Ливерпуль"нинг марказий ҳимоячиси Ибраима Конате мерсисайд клуби раҳбарияти билан янги шартномани имзолаш бўйича музокаралар олиб бормоқда. Бу ҳақда "Give me Sport" хабар берди.

Манба маълумотларига кўра, Англия чемпиони "Реал Мадрид" даъвогарлик қилаётган ҳимоячини сақлаб қолишни истаяпти. 26 ёшли французнинг "Ливерпуль" билан амалдаги шартномаси 2026 йил ёзида тугайди. Ҳимоячи 60 миллион еврога баҳоланмоқда.

Ўтган мавсумда Ибраима мерсисайдликлар сафида 42 та ўйин ўтказиб, 2 та гол урди ва 2 та голли узатма берди.