“Ливерпуль” Садио Мане ўрнига ажойиб ўринбосар топди

"Ливерпуль" ҳужум позициясини кучайтириш учун бир қанча вариантларни кўриб чиқмоқда. “Қизиллар” учун асосий номзод — "Реал Сосьедад" ҳужумчиси Александр Исак. Инглиз клуби шведни ёзги трансфер ойнаси вақтида сотиб олишни мўлжалламоқда.

Аввалроқ, ҳужумчига "Ньюкасл" қизиқиш билдираётгани ҳақида хабарлар тарқалган эди. Бироқ, "қора-оқлар" футболчининг нархи борасида испан клуби билан келиша олмади. Қолаверса, кейинчалик “Реал Сосьедад” раҳбарияти Александр билан хайрлашмоқчи эмаслигини маълум қилди.

"Ливерпуль" бош мураббийи Юрген Клопп "Бавария" билан шартнома имзолаган Садио Манега муносиб ўринбосар қидирмоқда. Аммо Исакнинг нархи “қизиллар”нинг фикрини ўзгартириши мумкин. Айни пайтда “Сосьедад” швециялик форвардни 50-60 миллион евро атрофида баҳоламоқда.

Ўтган мавсумда футболчи Ла Лига доирасидаги 32 та ўйинда майдонга тушиб, ўз ҳисобига 6 та гол ва 2 та голли узатмани ёздириб қўйди.