“Ливерпуль” Салоҳ бўйича муҳим қарорга келди

“Ливерпуль” раҳбарияти мисрлик ҳужумчи Муҳаммад Салоҳни жамоада олиб қолишга қарор қилди. Аввалроқ, жамоа тўпурари ёзда Испанияга кетиш ҳақида ўйлаётгани айтилган эди.

Салоҳнинг 2023 йилнинг ёзигача давом этадиган ҳозирги шартномасига яна бир неча узайтирилиши кутилмоқда. Шунингдек, ҳафтасига 200 минг фунт олаётган футболчининг маоши ҳам сезиларли даражада оширилади. Ливерпулликлар шу йўл билан уни ўз сафида олиб қолмоқчи.

Шунга қарамай, Юрген Клоппнинг сиёсати ва жамоанинг ички муҳитидан норози бўлиб юрган Муҳаммад Салоҳ ҳали клуб таклифи бўйича муносабат билдиргани йўқ.

Матнда хатолик топсангиз, ўша хатони белгилаб, бизга жўнатинг (Ctrl + Enter)