"Ливерпуль" Салоҳ ўрнига "Реал" футболчисини олиб келмоқчи

Мисрлик ҳужумчи Муҳаммад Салоҳ мавсум якунлангач “Ливерпуль”ни тарк этиши мумкин. Шу муносабат билан мерсисайдликлар унга ўринбосар қидирмоқда.

Todofichajes нашрининг ёзишича, инглиз клуби Салоҳ ўрнига Бразилия терма жамоаси ва Мадриднинг “Реал” клуби ҳужумчиси Родригони олиб келишни режалаштирмоқда. "Ливерпуль" айнан Родриго мисрлик футболчининг жамоадаги ўрнини муносиб тарзда тўлдира олади, деб ҳисобламоқда.

Бироқ "қироллик клуби" президенти Флорентино Перес Родриго билан хайрлашишни режалаштирмаяпти. Футболчининг ўзи ҳам фаолиятини "Реал"да давом эттирмоқчи.

23 ёшли Родриго жорий мавсум Испания Ла Лигасида 9 та ўйин ўтказиб, 3 та гол урди.