"Ливерпуль" сермаҳсул ҳужумчисининг клубда қадри баланд

"Ливерпуль" ўз ҳужумчиси Роберто Фирминони таркибда сақлаб қолишга қарор қилди.

"Қизиллар" раҳбарияти бразилиялик футболчи билан шартномани узайтириш масаласини ҳозирча биринчи ўринга қўйган. Роберто билан амалдаги келишув 2023 йилнинг ёзида якунига етади ва футболчи келаси мавсумдан бошлаб эркин агентга айланади. 

Шу сабабли мерсисайдликлар сермаҳсул ҳужумчисини шунчаки текинга қўйиб юбормоқчи эмас ва ўзаро ҳамкорликни узоқ муддатга давом эттириш ниятида.

Маълумот учун, Фирмино жорий мавсум "Ливерпуль" сафида 21 та ўйинда майдонга тушиб, 9 та гол урди ва 4 та голли узатмага муаллифлик қилган. У "қизиллар" сафига 2015 йили "Хоффенхайм"дан 41 миллион евро эвазига келиб қўшилган эди.