"Ливерпуль" Слотни истеъфога чиқаришга тайёр. Фақат...

Арне Слотнинг “Ливерпуль”даги келажаги ЕЧЛ 1/8 финалидан ўрин олган "Галатасарой"га қарши баҳс натижасига боғлиқ.

"Галатасарой"нинг Чемпионлар лигасидан эҳтимолий чиқиб кетиши Арна Слот учун “Ливерпуль”даги финалга айланиши мумкин, дея хабар беради TEAMtalk.

Аввалроқ, "Ливерпуль" раҳбарияти нидерландиялик мутахассисни истеъфога чиқариш масаласини ёзга қолдиришга умид қилганди, аммо АПЛ 30-туридаги дуранг ва "Тоттенхэм"га қарши кучсиз ўйин (1:1) барчасини ўзгартириб юборди. Энди Слотнинг тақдири бевосита "Галатасарой" билан бўладиган жавоб ўйинига боғлиқ.

Слот истеъфога чиқарилган тақдирда, "қизиллар"нинг афсонавий собиқ футболчиси Стивен Жеррард 2025/26-йилги мавсум охиригача жамоани вақтинча бошқаришга тайёр.

Эслатиб ўтамиз, "Галатасарой" ўз майдонида "Ливерпуль" устидан 1:0 ҳисобида ғалаба қозонди.