“Ливерпуль” супертрансферни рекорд суммага ҳал қилди

Англия Премьер-лигасининг амалдаги ғолиби “Ливерпуль” таркибини сезиларли даражада кучайтиришни уддалади. Арне Слот жамоасига “Ньюкасл” ҳужумчиси Александр Исаак келиб қўшиладиган бўлди.

Бу ҳақда таниқли инсайдер Фабрицио Романо маълумот тарқатди.

“Ньюкасл” раҳбарияти ва швед футболчиси ўртасида анчагина зиддият келиб чиқарган бу трансфер учун ливерпулликлар 130 миллион фунт стерлинг (150 миллион евро) сарфлайдиган бўлди.

Бунгача “қарғалар” чемпион жамоанинг 110 ва 120 миллион фунт стерлинг кўрсатилган иккита таклифини қабул қилмаган эди.

Александр Исаакнинг ўзи мерсисайдликлар билан шахсий шартномаси анча олдин келишиб олган. Шунга қарамай, “Ньюкасл” 25 ёшли форвардни қўйиб юбормаётганди. Исаак мақсадига етиш учун машғулот,  ўйинларга келмай қўйди ва бу жамоа учун бошқа ўйнамаслигини уқтирди.

“Ньюкасл” раҳбариятининг ўйинчи билан келишишга уриниши иш бермади.

Александр Исаак “Ньюкасл” таркибида жами 109 та учрашувда майдонга тушиб, рақиблар дарвозасини 62 маротаба ишғол қилган ва жамоадошларига 11 та голли пас узатган.