"Ливерпуль" ярим ҳимоя чизиғини кучайтирмоқчи

"Астон Вилла" ярим ҳимоячиси Морган Рожерс ёзда жамоани тарк этиши мумкин. Агар Бирмингем клуби мавсум охирида Чемпионлар Лигасига чиқа олмаса, асосий ўйинчиси билан хайрлашишга мажбур бўлиши мумкин.

Трансфер бозорида талаб юқори бўлган Рожерс сотилиши мумкин бўлган номзодлардан бири. "Anfield Watch" маълумотларига кўра, 23 ёшли футболчи учун пойгада "Ливерпуль" етакчилик қилмоқда. Унинг потенциал шартномаси 100 миллион фунт стерлинг (115 миллион евро) га баҳоланмоқда.

Маълумот учун, Морган Рожерснинг Трансфермарктдаги нархи 70 миллион еврони ташкил қилади. Англиялик футболчининг "Астон Вилла" билан шартномаси 2031 йилгача амал қилади.