"Ливерпуль"га гол урган Майну МЮ тарихига кирди

АПЛ 31-туридан ўрин олган МЮ - "Ливерпуль" баҳси бўлиб ўтди. Унда жамоалар 2:2 ҳисобидаги дурангга имзо чекди. 

"Қизил иблислар" таркибида Бруно ҳамда Майну гол урган бўлса, мерсисайдликлар таркибида Диас ҳамда Салоҳ ўз номини таблога ёздириб қўйди. 
"Squawka" нашри хабарига кўра, Майну манкунианликлар тарихида АПЛ доирасида "Ливерпуль" дарвозасига гол урган энг ёш футболчи бўлди. Кобби айни пайтда 18 ёшу 354 кунлик.

Маълумот учун, "Манчестер Юнайтед" Англия чемпионати турнир жадвалида олтинчи ўринда қолмоқда. Эрик тен Хаг шогирдлари навбатдаги ўйинини 13 апрель, шанба куни сафарда "Борнмут"га қарши ўтказади.