"Ливерпул"нинг собиқ ҳимоячиси турк клубига ўтди

Словакиялик машҳур ҳимоячи Мартин Шкртел "Истанбул Башакшехир" клубига кўчиб ўтди. Бу ҳақда клуб расмий сайти хабар бермоқда.

Таъкидлаш лозимки, 34 ёшли футболчи “Аталанта” билан шартномасини бекор қилгач турк клуби сафига эркин агент сифатида бориб қўшилди. Эътиборлиси, Шкртел А Серия клуби билан шартнома имзолаган санадан бир неча ҳафта ўтибоқ келишувни бекор қилди.

Маълумот учун, Шкртел фаолияти давомида "Тренчин", "Зенит", "Ливерпуль" ва "Фенербахче" каби жамоаларда тўп сурган. Словакия терма жамоасида эса 103та ўйинда иштирок этиб, ўз ҳисобига 6та гол ёздириб қўйишга эришган.

Фикрлар

Фикр қолдириш учун авторизациядан ўтинг!