"Локомотив" - "Навбаҳор": Иккинчи тайм бошланди (матнли трансляция)

Ўзбекистон Суперлигаси 24-туридан ўрин олган "Локомотив" - "Навбаҳор" учрашуви старт олди. Қуйида мазкур беллашувдан матнли трансляция эътиборингизга ҳавола этилади.

• 90+4'
  

  Учрашув якунланди. Тошкентда муҳим ғалабани қўлга киритган "Навбаҳор" чемпионлик пойгасида курашни давом эттирадиган бўлди.

• 90+3'
  

  Бу сафар Собиржоновнинг бош билан йўллаган зарбасини дарвозабон қайтарди.

• 90+3'

  Ўз жойини ташлаб олдинга югуриб чиққан Абдумавлон Марушични зарарсизлантирди.

• 90+2'
  

  Станислав Андреев майдонда ётибди. Унга тиббий ёрдам керакка ўхшайди.

• 90'
  

  Иккинчи бўлимга 4 дақиқа қўшилди.

• 90'
  

  Жасурнинг бу галги зарбасини ҳам Юсупов ушлаб олди.

• 88'

  "Навбаҳор"нинг хавфли тус олиши мумкин бўлган қарши ҳужуми ноаниқ пас туфайли узилиб қолди.

• 87'
  

  Али Абдураҳмонов майдонга тушди. У Ислом Рашидхоновни алмаштирди.

• 86'

  Жалолиддиновнинг ерлатиб берган зарбасидан сўнг тўп устун ёнгинасидан ўтиб кетди.

• 85'
  

  Жарима майдони остонасида қўполлик ишлатган Жокич огоҳлантирилди. "Локомотив"да жуда қулай имконият юзага келмоқда...

• 85'

  Тошкентликлар ҳужумларни тиндирмаяпти, меҳмонлар қарши ҳужумда ўз омадини синаб кўрмоқда.

• 83'
  

  Жамшид Болтабоевга тиббий ёрдам керакка ўхшайди. Шифокорлар майдонга тушиб келди.

• 81'
  

  Жасур Жалолиддиновнинг зарбасидан сўнг Юсупов тўпни ушлаб олди.

• 78'

  Ўйин тенг курашлар остида давом этмоқда.

• 76'
  

  ГООООООООЛЛЛЛЛЛЛЛ! "Навбаҳор" орадаги фарқни иккитага етказди!

  Собиржоновнинг узатмасидан сўнг бўш қолган дарвозани Марушич ишғол этди.

• 73'

  "Локомотив"нинг камсонли ҳужумларидан навбатдагиси зарбаси якунланди.

• 72'
  

  Мезбонларда яна иккита ўзгариш: Санжар Қодирқулов ва Маъруф Жумаев ўрнига Шерзод Комилов ҳамда Иван Нагаев майдонга тушди.

• 71'

  3 рақиби қуршовида қолиб кетган Жалолиддинов йиқилиб тушди ва тўпни йўқотди.

• 68'
  

  Қодирқуловга тиббий ёрдам керак. Шифокорлар майдонга тушиб келди.

• 66'

  Коростиченко шогирдлари голга дарҳол жавоб қайтариш мақсадида олдинга ўтди. Аммо Андреев ўз қанотида ишончли ўйнаб, хавфни бартараф этди.

• 64'
  

  ГООООООООЛЛЛЛЛЛЛЛ! "Навбаҳор" ҳисобни очди!

  Қобиловнинг хатосидан сўнг Марушичнинг яқин масофадан берган зарбаси гол билан якунланди. 

• 63'
  

  Искандеровга нисбатан қоида бузган Қодирқулов сариқ карточкага лойиқ кўрилди.

• 62'
  

  "Локомотив" сафида ўзгариш: Мўмин Мелиев ўз ўрнини Жасур Жалолиддиновга бўшатиб берди.

• 60'

  Мелиевдан хавфли зарба, тўп устунни титратди!

• 58'

  "Лочинлар" қанотлардан тўпни Марушич манзили томон оширишда давом этмоқда. Аммо сербиялик ҳужумчи уларни дарвозага кирита олмаяпти. Бу гал ҳам у тўпни ўтказиб юборди.

• 57'

  Жумаевнинг зарбаси анча ноаниқ кетди.

• 55'
  

  Ҳимоячиларнинг навбатдаги хатосидан сўнг Зоран яна бир бор кучли зарба йўллади. Энди Абдужалиловдан сейв!

• 54'

  Бу гал Марушич яқин масофадан устунни нишонга олди. Яна ҳакамлар офсайд борлигини кўрсатмоқда.

• 53'

  Иккинчи 45 дақиқаликда "Локо" ҳимоячилар нисбатан кўпроқ хато қилмоқда.

• 51'
  

  Туропов берган пасдан сўнг Марушич яқин масофадан зарба берди, ноаниқ. Боз устига, ён ҳакам байроқчасини кўтариб турган экан...

• 51'

  Ҳимоячиларнинг хатосидан кейин тўпни қабул қилиб олган Марушичнинг зарбаси блокдан ўтмади.

• 50'

  Андреевнинг узатмасидан сўнг Собиржонов тўпга ета олмади. 

• 48'

  Бўлим бошини меҳмонлар нисбатан фаолроқ ўтказяпти.

• 46'
  

  Танаффусда Бабаян ўзгаришга қўл урди. Асад Жўрабоев ва Дониёр Абдуманнопов ўрнига Зоран Марушич ҳамда Диёр Туропов ўйинга қўшилди.

• 46'
  

  Иккинчи бўлим бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Биринчи бўлим якунига етди. Танаффус!

• 45+1'

  Ҳакам видеотакрорларни кўриб, Болтабоевнинг вазияти қизил карточкага тортмайди деб топди.

• 45'
  

  Биринчи таймга 1 дақиқа қўшилди.

• 45'
  

  Қодирқуловнинг оёғига тепган Болтабоев огоҳлантирилди.

• 44'

  Игорь Голбаннинг зарбасидан кейин тўп устун ёнгинасидан ўтиб кетди.

• 42'

  Бўлим сўнгида ҳар икки томон ҳам фаолликни оширмоқда, танаффусдан олдинги гол руҳий устунлик бериши аниқ.

• 40'

  Баъзи вазиятлар тез-тез такрорланмоқда: Сафаровнинг мақсадсиз паслари, Жўрабоевнинг иккинчи қаватда ютқазиши, ҳар икки жамоанинг ноаниқ зарбалари...

• 38'

  Беллашув тенг курашлар остида давом этмоқда.

• 36'

  Рақиб қарши ҳужумининг олдини олиш учун Ашурматов тўпни кучли зарба билан дарвоза томон йўллади. Ноаниқ.

• 34'

  Қодирқулов чиройли ҳаракатлари билан Андреевни ортда қолдирди, аммо тўпни майдонда сақлаб қололмади. Юсупов эркин зарба билан тўпни ўйинга киритиб беради.

• 32'

  Манучеҳр Сафаров анча ноаниқ зарбаси билан жамоаси ҳужумини муваффақиятсиз якунлади.

• 29'

  Йован Жокичнинг зарбаси хавфли, лекин ноаниқ чиқди.

• 28'

  Искандеровнинг узатмасидан сўнг Ашурматов боши билан ноаниқ зарба берди.

• 27'

  Меҳмонлар жарима майдонидан узоқ бўлмаган ҳудудда стандарт вазиятга эга бўлди.

• 26'
  

  Маъруф Жумаевга тиббий ёрдам кўрсатилди.

• 24'

  Дарвозабон билан деярли бирга-бир вазиятга чиқиб борган Маъруф Жумаевнинг зарбасига бироз аниқлик етишмади.

• 22'

  Бабаян шогирдлари фаолликни ошириб, устунликни қўлга олди. Энди тошкентликлар қарши ҳужумда.

• 20'

  Искандеров деярли бўш қолган дарвозани ишғол қила олмади. Қанотдан келган кучли пас унинг бошига тегиб, майдонни тарк этди.

• 17'

  Мелиевнинг бош билан йўллаган зарбаси кучсиз чиқди.

• 15'

  "Лочинлар"нинг жавоби ҳам рақибникидан қолишмади. Абдуманноповнинг зарбаси ҳам бироз ноаниқ.

• 14'

  Ажойиб зарба! Қодирқулов тўпни узоқ масофадан дарвозага михлаб қўйишига бир баҳя қолди. Наманганликлар бахтига тўп устун ёнгинасидан ўтиб майдонни тарк этди.

• 14'

  Бабаян шогирдларининг аксарият узатмалари манзилга аниқ етиб бормаяпти.

• 12'

  Этамедан яна бир зарба, бу гал ҳам ноаниқ. Аммо "Локо" штурмни давом эттиряпти.

• 11'

  Рашидхоновнинг узатмасидан сўнг тўпга Маъруф Жумаев ета олмади.

• 10'

  "Темирйўлчилар"дан навбатдаги хавфли ҳужум! Бу сафар Мухторовнинг зарбаси тўсин юқорисидан ўтиб кетмоқда.

• 8'

  Коростиченко шогирдлари қанотларни фаол ишга солишга уриняпти.

• 6'

  Жером Этаме илк зарба муаллифи. Аммо унинг уриниши кучсиз чиқди.

• 3'

  Илк дақиқалардан жамоалар бир-бирини ўрганмоқда.

• 1'

  Учрашувга старт берилди!