"Локомотив" бош мураббийи: "Шиддатли ва асабий ўйин бўлди"

“Локомотив” ўз майдонида “Сурхон”ни 2:0 хисобида таслим этди. Учрашувдан сўнг, мезбонлар бош мураббийи Денис Коростиченко ўйин борасидаги фикрлари билан ўртоқлашди.

- Ҳа, жуда шиддатли ва асабий бўлди. “Сурхон” тўпни узоқдан оширган ҳолда ўйин кўрсатди. Шунга яраша улар кураш олиб боришди. Аммо биз бунга тайёргарлик кўргандик.

Айтмоқчиманки, рақибга қарши тура олдик холос. Лекин томошабоп ўйин кўрсатишни уддалай олмадик. Нима бўлганда ҳам хотиржамликни сақлаб қолдик ва ўз имкониятларимизни кутдик. Якунда катта ҳисобда ғалаба қозонишимиз ҳам мумкин эди.