"Локомотив" футболчиси ярим мавсум давомида "Реал" ва "Барселона"га гол урди

Хабарингиз бор кеча Испания Ла Лигасининг 32-турида “Сельта” ўз майдонида чемпионлик учун асосий даъвогар ҳисобланган “Барселона”ни қабул қилди ва 2:2 ҳисобида дуранг қайд этди.

Мезбонларнинг дастлабки голига Фёдор Смолов муаллифлик қилди. Эътиборлиси, январда жамоага келиб қўшилган россиялик футболчи “Реал”га қарши ўйинда ҳам гол урган эди.

Маълумот учун, Смолов асли “Локомотив” футболчиси ҳисобланади. У “Сельта” сафида ижара асосида тўп сурмоқда.