"Локомотив" ўз таркибига янги футболчини қўшиб олди

Тошкентнинг "Локомотив" клуби яна бир трансферни эълон қилди.

Клуб матбуот хизматининг хабарига қараганда, ўтган йилни "Металлург" таркибида ўтказган Худойшукур Сатторов "Темирйўлчилар" билан шартнома имзолади.

Маълумот учун, Худойшукур Сатторов 1998 йил 10 февралда туғилган. Марказий ҳимоячи амплуасида тўп тепади.

Футболчилик фаолияти давомида шу пайтгача Суперлигада 88 та ўйин ўтказиб, 3 та гол урган. Қолаверса, Ўзбекистон Кубоги доирасида 11 та ўйинда иштирок этган.