"Локомотив" "Пахтакор" тарбияланувчиси билан шартнома имзолади

Таркибни ёшартиришга ҳаракат қилаётган "Локомотив" яна бир футболчи билан шартнома имзолади.

Ўтган мавсумни "Сурхон"да ўтказган ўнг қанот ҳимоячиси Алишер Салимов бу йилдан "термирйўлчилар" сафида ҳаракат қилади. Ушбу футболчи икки йиллик шартномага имзо чекди.

Алишер Салимов 2019-2020 йиллар "Пахтакор" шарафини ҳимоя қилган, бироқ у "Сурхон"да ўзини яхши кўрсата олди. Хусусан ҳимоячи ўтган йил Суперлиганинг барча 26та турида майдонга тушишга муваффақ бўлди.

Маълумот учун: Алишер Салимов 1999 йил, 22 июлда туғилган.

Катта футболдаги фаолияти:
2019 йил. "Пахтакор" 5 ўйин
2020 йил. "Пахтакор" 3 ўйин
2021 йил. "Сурхон" 26 ўйин

"Локомотив" матбуот хизмати.