"Локомотив" сафида Суперлигада дебют қилган футболчи кимлигини биласизми?

“Локомотив” футбол клуби сўнгги йилларда ёш футболчиларга ўзларини кўрсатиши учун катта йўл осиб бермоқда. Клуб матбуот хизмати Суперлигада дебютини ўтказган ўйинчи ҳақида маълумот берди.

“Ёш ҳужумчимиз Али Абдураҳмонов ўтган мавсум U-18 ва U-21 жамоамиз сафида сермаҳсуллик қайд этиб, умумий ҳисобда 19 та гшол билан мавсумни якунлаганди.

Унинг чемпионатдаги ўйинлари нафақат асосий жамоамиз мураббийлар штаби, балки мухлислар орасида ҳам олқишларга сазовар бўлди.

Coca Cola Суперлигаси 2-тури доирасида АГМКга қарши ўйинда Али Абдураҳмонов 78-дақиқада захирадан майдонга тушди ва профессионал футболдаги дебютини амалга оширди.

2003 йилда туғилган ҳужумчи “Локомотив” асосий жамоаси таркибида ҳам кўплаб голлар уришини тилаб қоламиз, - дейилади клуб матбуот хизматининг хабарида.