"Локомотив" янги футболчиларнинг таништирув маросимида клуб олдига қўйилган мақсад ва вазифа ҳақида маълумот беради

Ҳар йил мавсум аввалида тақдимот маросими ўтказиш ва янги футболчиларни таништириш "Локомотив" ПФК учун анъанага айланиб улгурган.

Келаётган ҳафтанинг душанба - 7 март куни "Локомотив" стадиони анжуманлар залида "темирйўлчилар" сафига келиб қўшилган янги футболчиларни таништирув маросими бўлиб ўтади. Бу ҳақда клуб матбуот хизмати хабар берди. 

Тадбирда "Локомотив" ПФК бош директор ўринбосари Тўлабек Акрамов ва асосий жамоа бош мураббийи Денис Коростиченко иштирок этади. Тақдимот маросимида янги футболчиларни кенг оммага таништириш билан биргаликда жамоанинг янги мавсумга тайёргарлиги ҳамда бу мавсум клуб олдига қўйилган мақсад ва вазифалар ҳақида сўз боради.

Бундан ташқари "Локомотив" билан шартнома имзолаган Рустам Нартаджиев, Алишер Салимов, Муҳаммаданас Ҳасанов, Жером Этаме, Маъруф Жумаев каби футболчиларига ўз футболкалари топширилади.

7 март куни бўлиб ўтадиган тадбир соат 12:00да бошланади.