Суперлиганинг 3-туридан ўрин олган "Турон" ҳамда "Локомотив" жамоалари ўртасидаги ўйин бўлиб ўтди. Мазкур баҳсда жамоалар 2:2 ҳисобида жанговар дурангга имзо чекди. Мезбонларнинг 2-голига муаллифлик қилган ва қўпол хатога йўл қўйиб, жамоасини қийин аҳволда қолдирган Владислав Касминин ўйиндан кейин SPORTS.uz сайтига интервью берди.

"Биринчи ўринда шуни таъкидлаб ўтишни хоҳлардимки, жамоа раҳбарияти қисқа муддатда Суперлигада рақобатлаша оладиган кучли жамоа туза олди. Нафақат таркиб кучайтирилди, балки стадион янгича кўринишга келтирилди. Мухлисларимиз ҳам бизни ёлғизлатиб қўймаяпти, уларга ҳам миннатдорчилик билдираман.

Ўйинга келадиган бўлсак, учрашувни яхши бошладик. Тезкор икта гол киритдик ва ўзимиз хоҳлаган нарсага эришдик. Кейинчалик ҳисобни ушлашга ҳаракат қилдик. Четлатишгача бўлган вақтда рақиб ҳеч қандай имкониятга эга бўлмади. Қўпол хатойим сабабли жамоа қийин аҳволда қолди. Тўғриси, ўша вазиятда бир футболчини назорат қилдим, лекин орқамдаги ўйинчини кўрмагандим. Қўлимни баланд кўтаргандим, тўп йўналиши ўзгариб кетди, якунда ўзингиз кўрдингиз... Албатта, биринчи ўринда мухлислардан узр сўрайман. Биз ғалаба қозонишни истаган эдик, бироқ четлатиш ўйинни бўзиб қўйди. Бизда яхши жамоа ва мураббий бор. "Турон"ни катта ғалабалар олдинда кутмоқда", - дейди ҳимоячи.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Дилшод Даврлнов
19/03/2021 09:39
Касмин бошка бундай хатога йул куйма Илтимос сендан