"Lo‘lilar qiroli" UFC chempioni "Stone Cold" hamda da’vogar "Yirtqich" bilan jang qilmoqchi

Boks bo‘yicha og‘ir vazn toifasida sobiq jahon chempioni Tayson Fyuri UFC da jang qilish borasidagi rejalari haqida o‘rtoqlashdi.

"Ayni paytda og‘ir vaznda UFC chempioni  AQShlik xorvat Stipe Miochichmi?

U bilan jangga tayyorman. Bu muammosiz. Yoki Frensis Ngannu bilan ham to‘qnashuvga roziman. Har qanday og‘ir vazn toifasidagilarga qarshi jang qilishim mumkin. Hech kimdan qo‘rqmayman, chunki men “Lo‘lilar qiroliman”. Dana Uayt, qo‘ng‘iroq qiling”, - dedi Fyuri.

Ma’lumot uchun, UFC ning og‘ir vazn toifasida ayni vaqtda "Stone Cold" nomi bilan mashhur Stipe Miochich chempion sanaladi. "Yirtqich" deya nom qozongan Frensis Ngannu esa ushbu yo‘nalish chempionligiga asosiy da’vogar hisoblanadi.