Лондон клуби ўзининг 20 йилликдаги антирекордини қайд этди

“Тоттенхэм” Премьер-лиганинг навбатдаги ўйинида яна мағлубиятга учради. Якшанба куни “шпорлар” 32-тур доирасида сафарда “Вулверхемптон”га 2:4 ҳисобида ютқазишди. Squawka нашрининг маълумотига кўра, Анже Постекоглу бошчилигидаги жамоа жорий чемпионатда аллақачон 17 та мағлубиятга учраган — бу клуб учун 2003/04 йилги мавсумдан буён энг ёмон кўрсаткич (ўшанда 19 та мағлубият бўлган).

Шунингдек, “Тоттенхэм” жорий мавсумда сафарда ўн ёки ундан кўп ўйин ютқазган учинчи жамоага айланди. Бунгача бундай натижани фақат чемпионат аутсайдерлари — “Лестер” ва “Саутгемптон” кўрсатишган.

Кейинги турда Лондон клуби 21 апрель куни ўз майдонида “Ноттингем Форест”ни қабул қилади.