Льорис учун бу мавсум тугади

"Тоттенхэм" дарвозабони Уго Льорис бу мавсумда бошқа майдонга туша олмайди.

36 ёшли дарвозабон мушакларидаги жароҳати туфайли АПЛнинг 32-туридан ўрин олган "Ньюкасл" билан ўйинни давом эттира олмади ва "шпорлар" 1:6 ҳисобида мағлубиятга учради.

"Тоттенхэм" бош мураббийи Райан Мэйсон матбуот анжуманида Льориснинг жорий мавсум якунига қадар сафдан чиққанини, жамоа вазиятдан жуда хафа эканлигини айтди.

Франциялик посбон жорий мавсумда барча мусобақаларда 31 та ўйинда майдонга тушиб, 45 та гол ўтказиб юборди ва 9 учрашувда ўз дарвозаси дахлсизлигини сақлаб қолди.

Маълумот учун, Лондон клуби 34-турдан сўнг 54 очко билан АПЛ турнир жадвалида 7-поғонада бормоқда.