Луи ван Гал Португалияга бош мураббий бўлиши мумкин

Нидерландия терма жамоаси собиқ бош мураббийи Луи ван Гал Португалия терма жамоасига бош мураббий бўлиши мумкин. У шу ҳақдаги саволга жавоб бериб ўтди.

- Сизга Бельгия ва Португалия термаларидан таклифлар борлиги айтилмоқда. Бу ҳақда нима дея оласиз?

- Бу жамоалар борасида саволлар беришди. Мен жавоб беришим керак эди. Ҳозир нафақадаман. Шунга қарамай, яхши таклиф бўлса, кўриб чиқишга тайёрман.

- Бу сиз учун жуда ажойиб якун бўларди. Шундай эмасми?

- Айтиб ўтганимдек, қулай таклиф бўлса, албатта, эшитишга шай ҳолатдаман. Гапира олишим мумкин бўлган нарса шу, холос", - деди нидерландиялик мутахассис.

Эслатиб ўтамиз, ван Гал Нидерландия терма жамоаси билан жаҳон чемпионатида чорак финалда ўз юришини якунлади. Терма жамоа чемпион Аргентинага пенальтилар сериясида имкониятни бой бериб қўйди.