Луис Энрике Мбаппе илк турда қайдномага киритилмаслигини тасдиқлади!

ПСЖ бош мураббийи Луис Энрике Франция чемпионати 1-туридан ўрин олган ўйин олдидан матбуот анжуманида иштирок этди. Мутахассис Килиан Мбаппе атрофида юз бераётган воқеалар ҳақида қисқача тўхталиб ўтди.

"Мен клуб ва футболчи ўртасида келишув бўлишини истайман. Ҳозир мен энг кўп хоҳлайдиган нарса шу. 

Шунингдек, Килиан эртага бўлиб ўтадиган баҳсда қайдномага киритилмайди. Бу хабарни тасдиқлай оламан. Аммо Мбаппе бўйича бошқа маълумотларни гапиришни лозим кўрмайман", - деди испаниялик мутахассис.

Эслатиб ўтамиз, ПСЖ Лига 1 илк турида "Лорьян"га қарши баҳс олиб боради. Ўйин тунги соат 00:00 да старт олади.