Луис Энрике ўзини Хавидан устун қўйиб мақтанди

ПСЖни бошқараётган Луис Энрикедан  мураббий сифатида “Барселона”нинг ўйин услубини қўллашда ўзи ёки Хави устунлигини сўрашди.

- Шубҳасиз менман. Тўп билан эгалик қилиш, юқори  босим ўтказиш, қўлга киритилган совринлар каби кўрсаткичларга бир эътибор беринг.

Бунақа маълумотларни бошқача талқин қиладиганлар ҳам бор. Лекин бу рақамлар муҳокама қилинмайди, - деди Луис Энрике.

Испаниялик мутахассис “Барселлна”ни 2014-2017 йиллар давомида бошқарган. Унинг қўл остида каталониялкилар Испания чемпионати, мамлакат кубоги, Чемпионлар лигаси, УЕФА Суперкубоги ва клублар ўртасидаги жаҳон чемпионатида ғолиб чиққан.

Каталония жамоасини 2021 йилдан бери бошқараётган Хави Эрнандес эса ўтган йили “Барселона”ни Ла Лига ғолибига айлантирди.