Луис Энрике ПСЖнинг бош мақсади нималигини айтди

ПСЖнинг янги бош мураббийи Луис Энрике жамоани Чемпионлар лигасида ғалаба қозониш нияти борлигини маълум қилди.

“Менга босим ёқади. Рақибларимиз тажрибаси кўпроқ бўлгани биз улар даражасида ўйнай олмаймиз, дегани эмас.

Чемпионлар лигаси – бизнинг мақсадимиз. Амбицияли бўлиш ажойиб. Бу синов, лекин мен бунга тўлиқ тайёрман.

Менинг услубим ҳар куни қандай яшашимни акс эттиради. Мен футболчи бўлганман, “Барселона”да ўйнаганман, катта клубларни бошқарганман, юлдузлар билан ишлаганман ва футболчиларнинг қандай эканлигини биламан. Агар уларга ёрдам бериш учун келганингизни тушунишса, улар сизни қўллаб-қувватлайдилар. Улар учун саҳна тайёрлаш керак ва улар ўзларини кўрсатади.

Биз ҳужумкор футбол кўрсатишимиз керак. Бу ҳатто муҳокама ҳам қилинмайди. Бу менинг фалсафам. Менинг вазифам – индивидуал тартибда ҳам, жамоавий тартибда ҳам футболчилардан максимал даражада имкониятларини олиб чиқиш”, - деди испаниялик мутахассис.