Луис Энрике қайси жамоаларга ачиняпти?

​ПСЖнинг чоршанба кунги ғалабаси “Нант” клубини инқироз ботқоғига янада чуқурроқ итариб юборди. Франция чемпионатининг афсонавий клуби айни дамда турнир жадвалида охирги ўринлардан бирини эгаллаб турибди ва деярли муқаррар равишда қуйи лигага (Лига 2) тушиб кетиш сари кетмоқда.

​Матбуот анжуманида Луис Энрике “Нант”нинг ҳолати бўйича берилган саволга жавоб берар экан, бу вазиятдан унча таъсирланмаганини билдирди:

“Бу одатий ҳол. Барча чемпионатларда муҳим тарихга эга бўлган, аммо қийин аҳволга тушиб қолган жамоалар доим топилади. Юқори даражадаги футбол шунақа нарса. Тўғри, “Нант”га сафарга борганингда, у ердаги стадион ва муҳит ўзгача, жуда ўзига хос.

​Шунингдек, ҳозирда Лига 2 да ўйнаётган ва мен Лига 1 да кўришни хоҳлайдиган жамоалар ҳам бор, масалан, “Сент-Этьен”, у ҳам тарихий клуб. Мен ҳали “Сент-Этьен”га қарши ҳеч ўйнамадим.

Ёки “Бордо”ни олайлик. Лига 1 га қайтишга уринаётган, аммо бунга кучи етмаётган жамоалар кўп ва бу улар учун ачинарли. Лекин вазият шундай, буни қабул қилиш керак”.