Луис Суарес Лионель Месси билан муносабатлари ҳақида гапириб ўтди

"Барселона" форварди Луис Суарес Лионель Месси билан дўстлиги ва клубдаги дастлабки вақтлари ҳақида эслаб ўтди.

"Месси менга шахсий масалаларда жуда кўп ёрдам берган, - дея сўзини бошлади Суарес. - У билан клубдаги дастлабки дақиқаларданоқ дўст тутиндик. Лео дунёнинг энг кучли футболчиси эканлигини барча яхши билади. Унинг ўзи ҳам буни исботлаб улгурган.

Лео ҳақиқий дўст, у буни кўп маротаба намойиш этган. 2016-йилда "Олтин бутса" учун курашишимда кўмаклашганди, яқинда эса "Эйбар"га қарши баҳсда ўзи ҳал қилиши мумкин бўлган вазиятда тўпни менга узатди", - дейди Суарес.